Лондондун “British Airways” авиакомпаниясынын 20 миңге жакын жүргүнчүсү бейшембиде кечинде тейленбей калды. Буга кечээ кечки саат алтыдан тарта бүгүн түшкө чейин “Хитроу” аэропортундагы кызматкерлердин иш таштоосу себеп болду. Алар муну менен тамак-аш даярдоочу “Gate Gourmet” компаниясынын иштен кетирилген 800 кызматкерине колдоо көрсөтүштү. “Хитроу” аэропортунун эки терминалынан күнүнө 500 рейсте кеминде 100 миң жүргүнчү учуп турат.
