Ислам радикализми Пакистандын көз карандысыздыгына коркунуч пайда кылууда. Мындай пикирин Пакистандын премьер-министри Шаукат Азиз өлкө көз карандысыздыгынын 58-жылдыгына арналган жыйында билдирди. Ошондой эле бийлик террорчулукту биротоло жоготуу үчүн күрөшөөрүн жарыя кылып, Пакистандын өкмөтү мындан ары коргонуу тармагын күчтөндүрөөрүн жарыя кылды. Анын айтымында, Пакистан өзөктүк жана ракеталык программаларын өнүктүрөт жана Индия менен мамилесин жакшыртат.
