Кипрдин Грекияда кырсыкка учураган жүргүнчү ташуучу учагындагы бир да адам аман калган жок. Ичинде 121 жүргүнчүсү бар учак Ларнак деген шаардан Афинага учуп баратып, тоо арасында кулап кеткен. Адистердин айтымында, учактын кулашына абаны жылытуучу системасынын иштен чыккандыгы себеп болгон. Анткени, жүргүнчүлөрдүн бири тууганына чөнтөк телефону менен чалып, үшүп жатышкандыгын айткан. Учактын ичинде кайсы мамлекеттин канча атуулу бар экендиги азырынча тактала элек. Кырсык болгон жерде куткаруучулар иштеп жатышат.
