Кошмо Штаттар. Техас штатындагы Англтон шаарчасынын соту өлкөдө жана дүйнө жүзүндө кеңири белгилүү дары-дармек өндүрүүчү Merck компаниясын техастык Роберт Эрнст аттуу тургундун өлүмү үчүн айыптуу деп тапты. Ал Vioxx деп аталган дарыны колдонгондон кийин каза тапкан. Компания маркумдун жесирине 250 миллион доллардык компенсация төлөөгө милдеттендирилди. Компания соттун бул өкүмүнө макул эместигин билдирүүдө. Ушул тапта Европада, Канада, Австралия сыяктуу айрым өлкөлөрдө Merck компаниясына каршы башка да бир нече сот жараяндары жүрүүдө.
