БИШКЕК. Биринчи май райондук соту үстүбүздөгү жылдын 24-март түнү болгон талап-тоноочулуктан жабыр тарткан атуулдардын доо аразын 24-августта карады. Бул күнү жабыр тарткан атуулдардын бир нече өкүлү суралды. 24-мартта жабыр тарткан ижарачылардын коомунун башчысы Бурул Усубакунованын маалымдоосуна караганда, 24-март күнү өлкө боюнча 1333 соода түйүнү, анын ичинде 400 ижарачы жабыр тартышкан. Көп өтпөй өлкөдөгү профсоюздар федерациясы бул күнкү окуя боюнча Кыргызстандын Ички иштер министрлигин айыптап, аталган министрликти сотко берген.
