БИШКЕК. 31-августта Эгемендүүлүк күнүнө карата майрамдык иш чаралар маалында Бишкек шаардык ички иштер башкармалыгы, Мамлекеттик авто инспекциясы, Мамлекеттик өрткө каршы кызматы, медициналык тез жардам кызматы күчөтүлгөн тартипте иштөөдө. Бул тууралуу Бишкек шаардык ички иштер башкармалыгынан билдиришти. Алардын маалыматына караганда, “Алатоо” аянтында, “Аккула” ат майданында, “Спартак” стадионунда, эс алуу парктарында милиция кызматкерлери коомдук тартипти сактап, райондук ички иштер бөлүмдөрүндө оперативдүү иликтөө топтору кызмат өтөөдө. Күчөтүлгөн тартип 3-сентябрга чейин улантылат.
