Евробиримдиктин ички иштер жана юстиция министрлери Англиянын Ньюкасл шаарына эки күндүк жыйынга чогулушту. Анын күн тартибинде - террорчулук менен күрөшүү маселеси. Жыйын алдында Британиянын Ички иштер министри Чарльз Кларк биримдиктин жетекчилигин глобалдык террорчулукка каршы күрөшкө жамынып, адам укугун бузбоого чакырды. Британ өкмөтү 7-июлда Лондондун транспорт системасында болгон чабуулдан кийин ислам фундаменталисттерин кысмакка ала баштаган. Чабуулда 56 киши набыт болгон.