БИШКЕК. 8-сентябрда Жогорку Кеңеште президент Курманбек Бакиев маркум Апсамат Масалиевдин жубайы Кайрыниса Масалиевага «Ак шумкар» өзгөчө белгисин тапшырды. Апсамат Масалиевге буга чейин Кыргыз Республикасынын баатыр наамы берилген. «Ак шумкар» белгисин тапшыруу учурунда сөз сүйлөгөн президент Бакиев «Апсамат Масалиев эл тарабынан таза жана адилет жетекчи аталган. Мындай таамай бааны эл гана бере алат», деп белгиледи.
