Аба ырайы

БИШКЕК. Синоптиктердин кабарлоосуна караганда, 17-сентябрда Кыргызстанда аба ырайында өзгөрүүлөр болбойт. Айрым аймактарда абанын температурасы +33 градуска чейин ысыйт. Айдарым жел жүрөт.

Абанын температурасы:

Чүйдө түнкүсүн +11...+16, күндүз +27...+32 градус ысык. Талас облусунда түнкүсүн +8...+13, күндүз +25...+30 градус. Жалалабат, Ош, Баткен дубандары боюнча түнкүсүн +12...+17, күндүз +28 ...+33 градус ысык. Ысыккөл ойдуңунда түнкүсүн +9...+14, күндүз +20...+25 градус. Тоолуу Нарын жергесинде түнкүсүн +4...+9, күндүз +24...+29 градус жылуу.

Бишкек шаарында күн ачык болот. Абанын температурасы түнкүсүн +15..+17, күндүз +30...+32 градус.

Кабарлар топтомун Азиза Турдуева, Бакыт Аманбаев жана облустардагы кабарчылар даярдашты.

Редактор – Шайырбек Эркин уулу