БИШКЕК. 18-сентябрда Бишкектеги №1-Университет окуругунда Жогорку Кеңештин депутаттыгына шайлоо болуп өтүп, депутаттыкка талапкер Болотбек Марипов 39,96 пайыз, же 3 миңден ашуун добушту, дагы бир талапкер Эркин Бөлөкбаев 31,44 пайыз, же 2 миң 992 шайлоочунун добушун алып экинчи айлампага чыгышты. Жалпысынан шайлоочулардын 31,51 пайызы, же 9 миң 518и катышып, 300 шайлоочу бардык талапкерлерге каршы добуш берген.
Шайлоо кодексине ылайык, шайлоонун биринчи айлампасынын жыйынтыгы чыккандан кийин, эки жумадан соң шайлоонун экинчи айлампасы өткөрүлөт. Бул тууралуу Борбордук шайлоо комиссиясынын басма сөз кызматынан билдиришти.
Шайлоо кодексине ылайык, шайлоонун биринчи айлампасынын жыйынтыгы чыккандан кийин, эки жумадан соң шайлоонун экинчи айлампасы өткөрүлөт. Бул тууралуу Борбордук шайлоо комиссиясынын басма сөз кызматынан билдиришти.
