Филиппинде чычкандын айынан Катардын учагы кечигип учту

Манилада учактын ичинен чычканды көрүп калышкандан кийин, учак 12 сааттан ашыкка кармалып калды. Кабарларга караганда, капитан дароо бардык 243 жүргүнчүнү жана бардык жүктү учактан түшүрүүгө буюрду. Учактын ичин түтүн менен толтурушуп, ар жерге капкандарды коюшту. Учак акыры Маниладан учуп кетти, чычкан ошол бойдон табылган жок. Адистердин айтымында, чычкан учактын зым өткөргүчтөрүн кырча тиштеп салышы мүмкүн.

Эл аралык соңку кабарларды Прагадан Жаңыл Жусубжан менен Айнура Жекше кызы даярдашты