БИШКЕК. 1-октябрда Бишкекте улгайган адамдардын эл аралык күнү белгиленди. “Сейтек” өспүрүмдөр борборунда шаардык мэрия уюштурган салтанаттуу жыйынга 300гө чукул ардагер чакыртылып, аларга арналган концерттик программа тартууланды. Шаардык администрация алардын ар бирине 500 сомдон нак акча, азык түлүктөрдү тартуулады. Республика боюнча учурда 500 миңден ашуун улгайган адамдар бар. Бишкек шаарында алардын саны 80 миңди түзөт. Ал эми борбор калаада жүз жаштан ашкан 22 адам катталган.
