Ооганстанда 18-сентябрда өткөрүлгөн парламенттик шайлоонун жыйынтыктары чыгарыла элек. Шайлоо комиссиясы бүгүн тараткан маалыматка караганда, бюллетендердин төрт пайызга жакыны азыр өзгөчө текшерилүүдө, анткени аларды толтурууда мыйзам бузуулар болгон деген маалыматтар пайда болду. Ал бюллетендер Пактиа провинциясынан келип түшкөн. Өлкөнүн түндүгүндөгү Мазар-и-Шариф шаарында бүгүн ири демонстрация болуп өттү, анткени өткөн аптада ал жерде парламентке талапкер Мохамед Ашраф Рамазан өлтүрүлүп кеткен.
