Израилдин премьер-министри Ариэль Шарон эмдиги жумада Палестиндин лидери Махмуд Аббас менен жолугушат жана ал 11-октябрда болушу мүмкүн. Алар Газа тилкесинен жөөттөр чыгарылгандан кийин эле кездешип, акыркы саясий кырдаалды талкуулашмак. Бирок эки тараптын атуулдарынын нааразылыгы күчөп кеткендиктен пикир алыша албай жатышкан. Израиль Газа тилкесиндеги экстремисттерин тазалоо операциясын палестиндер ракета менен аткылабайбыз дегенден кийин токтоткон.
