БИШКЕК. 6-октябрда Бишкекте Евразия экономикалык кызматташтыгынын парламенттер аралык ассамблеясынын координациялык кеңешинин жыйыны башталып, анда билим берүү проблемалары талкууга алынууда. Жыйынга Жогорку Кеңештин төрагасы Өмүрбек Текебаев төрагалык кылып, анда сүйлөгөн сөзүндө билим берүү тармагында коррупция чоң проблема бойдон калып жатканын белгиледи. Ал эми Жогорку окуу жайларга келип түшкөн бюджеттик каражаттардын көпчүлүгү натыйжасыз пайдаланылып жатат. Учурда жогорку окуу жайлардын 70 проценти контрактык негизде окутат. Кеңешме ишин 7-октябрда улантат.
