Тажик оппозициялык саясатчысы Махмадрузи Искандаров кесилгенине байланыштуу Америка Кошмо Штаттары бүгүн өз тынчсыздануусун билдирди. АКШнын Тажикстандагы элчилигинин айтымында, Искандаровдун кармалышы, ага коюлган күнөө жана соттун жүрүшү бир топ жоопсуз калган суроолорду жаратты. Терроризмден күнөөлөнүп, Искандаров 5-октябрда 23 жылга эркинен ажыратылган, оппозициянын айтымында, анын артында саясий куугунтуктоо жатат.
