Казакстандын Борбордук шайлоо комиссиясы азыркы президент Нурсултан Назарбаевди 4-декабрда өтө турган президенттик шайлоого талапкер катары каттады. Бардыгы болуп 18 адам катталган, бирок алардын бешөө казак тили боюнча сынактан өтпөй калды. Өлкөдө эки жолудан ашык президент болуп шайланууга тыюу салынганы менен, Назарбаев 15 жылдан бери президент. Шайлоо өнөктүгү 25-октябрда башталат.