Пакистан өткөн ишембиде он миңдеген адамдардын өмүрүн алган жер титирөөдөн аман калгандарды издөө иштери токтотулганын жарыялады. Эми ал күнкү зилзаладан мерт болгондордун сөөгүн алып чыгып, жабыр тарткан аймактарды калыбына келтирүү аракети колго алынмакчы. Ырасмий маалыматтарга ылайык, талаштуу Кашмир чөлкөмүнө ири жоготуулар алып келген силкинүүдөн 25 миңден ашуун адам шейит болду.
