Ал тапта Ирактагы козголоңчулар чабуулдарын күчөтүп, алардан кечээ 19 киши курман болду. Багдадда референдумдун жыйынтыктарын эсептеп жаткан шайлоо комиссиясынын үч мүчөсү караңгыда атылган октон мерт болушту. Искандарыя калаасында заводдон чыгып келаткан алты жумушчу, жолдо кайгуулда турган төрт полициячы, Самаррада төрт мамлекеттик кызматкер ар башка кол салуулардан набыт кетишти. Британиялык “Гардиан” гезити Ирактагы кабарчысы дайынсыз жоголгонун жарыялады.
