Ташкенде өтүп жаткан сот ишинин жүрүшүндө ойнотулган аудио кассетадан Ички Иштер министри Зокир Алматовдун демонстранттардын жетекчилерине алардын камактагы достору бошотулаарын, чек арадан ары өтүп кетүүгө шарт түзүлөөрүн айтып жаткандыгын угууга болот. Ал эми нааразылык акциясынын уюштуруучусу Кабылжон Парпиев бул сунушту четке кагып, Ташкенге жөө жүрүшкө чыгабыз деп коркутат. Бул добуштардын чын эле аталган адамдарга тийешелүү экендигин көз карандысыз булактардан тастыктоо мүмкүн болгон жок.
