БИШКЕК. «Алатоо» аянтына пикетке чыккандар арасында Жогорку Кеңештин депутаттары Ахматбек Келдибеков, Камчыбек Ташиев жана Мамытбай Салымбеков болду. Депутаттар Тынычбек Акматбаевдин өлүмү боюнча маселени парламент дүйшөмбүдө караарын жана анда өкмөттүн кызматтан кетүү маселелеси көтөрүлөөрүн билдирди. Жогорку Кеңештин депутаттары бул маселени жума күнү кароого аракеттенген, бирок кворумдун жоктугуна байланыштуу депутаттар жумушчу жыйын менен чектелишкен. Учурда Жогорку Кеңештин төрагасы Өмүрбек Текебаев баш болгон депутаттар чет өлкөлөрдө жүрөт.
