Улуттар уюмунун гуманитардык жардам көрсөтүү агенттиктери күчтүү жаратылыш кырсыгынан жабыр тарткан Пакистанга башка өлкөлөр каражат жагынан жетиштүү жардам көрсөтпөй жатканына көңүл бурушууда. Каражат тартыштыгы, ага кошумча жер титирөөдөн бүлүнүп-кыйраган жолдор, Кашмир чөлкөмүн жакында каптай турган калың кар дагы он миңдеген курмандыктарды алып келиши мүмкүн, деп эскертет алар.
8-октябрда Пакистандын талаштуу Кашмир чөлкөмүн титиреткен зилзаладан бүгүнкү күнгө карата 53 миңден ашуун адам мерт болду, дагы 74 миңден ашуун киши жараат алышты, жарадарлардын көбүнө тийиштүү медициналык жардам көрсөтүлө элек.
Улуттар уюмунун качкындар иштери боюнча комиссарлыгынын Исламабаддагы өкүлү Михал Звак Пакистанда азыр миллиондогон адамдар оор абалда калганын белгилейт:
- Биздин эл аралык коомчулуктан сураганыбыз азыр витамин “А”, же акча болуп атат. Буга чейин өзүбүздүн оперативдүү ресурстарды пайдаланып келдик, мындан ары анте албайбыз, анткени дүйнөнүн башка жеринде кырсык болуп калса даяр болушубуз керек. Ушу тапта Пакистан эл аралык коомчулуктун колдоосуна абдан муктаж болууда.
Өткөн жекшембиде Кашмирдин борбору Музафаррабадга барып келген Улуттар уюмунун өкүлү Рашид Халиков буларга токтолду:
- Техникалык жактан алганда, Пакистандагы жер титирөө - эл аралык коомчулук үчүн мурда болуп көрбөгөндөй өзгөчө кырдаал жаратты. Зилзаладан улам 800-900 миңдей киши баш калкалаар үйү жок калды, болжол менен 150 миңдей үй бүлө. Аларды суук түшкөнгө чейин жайгаштыруу – эң башкы максаттардын бири.
Улуттар уюму Женевадагы жыйын алдында билдиргендей, азыркыга дейре Пакистандагы жаратылыш кырсыгынын кесепеттерин жоюуга зарыл деп суралган 312 млн. доллардын үчтөн бири гана чогултулду. Адистер бирок кайра эсептеп чыгып, Улуттар уюму эми Пакистан баш-аягы 550 млн. доллардай жардамга муктаж экенин билдирди. Женевадагы жыйынга АКШ, Британия, Жапония баштаган 65 мамлекеттин өкүлдөрү катышып жатат.
8-октябрда Пакистандын талаштуу Кашмир чөлкөмүн титиреткен зилзаладан бүгүнкү күнгө карата 53 миңден ашуун адам мерт болду, дагы 74 миңден ашуун киши жараат алышты, жарадарлардын көбүнө тийиштүү медициналык жардам көрсөтүлө элек.
Улуттар уюмунун качкындар иштери боюнча комиссарлыгынын Исламабаддагы өкүлү Михал Звак Пакистанда азыр миллиондогон адамдар оор абалда калганын белгилейт:
- Биздин эл аралык коомчулуктан сураганыбыз азыр витамин “А”, же акча болуп атат. Буга чейин өзүбүздүн оперативдүү ресурстарды пайдаланып келдик, мындан ары анте албайбыз, анткени дүйнөнүн башка жеринде кырсык болуп калса даяр болушубуз керек. Ушу тапта Пакистан эл аралык коомчулуктун колдоосуна абдан муктаж болууда.
Өткөн жекшембиде Кашмирдин борбору Музафаррабадга барып келген Улуттар уюмунун өкүлү Рашид Халиков буларга токтолду:
- Техникалык жактан алганда, Пакистандагы жер титирөө - эл аралык коомчулук үчүн мурда болуп көрбөгөндөй өзгөчө кырдаал жаратты. Зилзаладан улам 800-900 миңдей киши баш калкалаар үйү жок калды, болжол менен 150 миңдей үй бүлө. Аларды суук түшкөнгө чейин жайгаштыруу – эң башкы максаттардын бири.
Улуттар уюму Женевадагы жыйын алдында билдиргендей, азыркыга дейре Пакистандагы жаратылыш кырсыгынын кесепеттерин жоюуга зарыл деп суралган 312 млн. доллардын үчтөн бири гана чогултулду. Адистер бирок кайра эсептеп чыгып, Улуттар уюму эми Пакистан баш-аягы 550 млн. доллардай жардамга муктаж экенин билдирди. Женевадагы жыйынга АКШ, Британия, Жапония баштаган 65 мамлекеттин өкүлдөрү катышып жатат.