Ирактын түндүгүндөгү Киркук шаарында бүгүн болгон үч башка окуядан тогуз полициячы курман болуп, дагы тогуз башка адам жараат алды. Бир бомба жолдун боюнда жарылган, башка окуяда полиция күзөтү лашкерлердин буктурмасына кабылган, шаардын дагы бир ресторанында да бомба жарылды. Өлкөнүн батышындагы Анбар провинциясында болсо өкмөттүк аскерлер менен америкалык күчтөрдүн чабуулу уланууда, акыркы күндөрдө ал жерде 50 лашкер жана үч америкалык аскер курман болгону тууралуу айтылууда.
