Палестинанын коопсуздук күчтөрү 25-январга белгиленген парламенттик шайлоонун алдында алдын-ала добушун бүгүн бере баштады. Алар муну шайлоо күнү коопсуздукту камсыз кылуудан башка нерсеге алагды болбош үчүн жасашууда. 58 миң кишиден турган коопсуздук күчтөрүнүн бир бөлүгү бүгүн, калган бөлүгү дүйшөмбү күнү добуш берет. Шайлоодо бийликтеги Фатх партиясы менен Хамас тобунун ортосунда таймаш катуу болоору айтылууда.
