Казакстандын Улуттук коопсуздук кызматы бүгүн жарыялаган билдирүүгө караганда, оппозициялык саясатчы Алтынбек Сарсенбаевдин өлтүрүлүшү менен байланыштуу коопсуздук кызматында иштеген беш адам кармалды жана дагы алтынчы киши изделүүдө. Алардын алгачкы берген маалыматтарына караганда, алар саясатчыны өлтүрүүгө катышкан. Сарсенбаев жана анын айдоочусу менен сакчысынын денелери 13-февралда Алматынын алдында табылган, алардын колдору байланган жана баары желкеге атып өлтүрүлгөн.
