Борбордук шайлоо комиссиясынын маалыматы боюнча добуш берүүгө мониторинг жүргүзүү максатында 17 делегациянын курамындагы эл аралык 130 байкоочу каттоодон өттү. Ошондой эле жергиликтүү саясий партиялардан, коомдук уюмдардан 10 миңден ашык байкоочу бүгүн жер-жерлердеги добуш берүүнүн жүрүшүнө көз салмакчы. Айрым оппозициялык партиялар кээ бир алыскы аймактардагы участоктор байкоочусуз калып жаткандыгын билдиришүүдө.(ZKo)
8:00 Референдумга эл аралык уюмдардан 130 жана 10 миңден ашуун жергиликтүү байкоочулар көз салат