ЖАЛАЛАБАТ. Жалалабат шаарындагы №2093 шайлоо участкасынын мүчөсү добуш берүү үкөгүнө үкөгүнө 8 бюллетень таштаган. Мындай маалымат “Ата мекен” партиясынын облустук төрагасы Эргеш Садировдон алынды. Аталаган комиссиянын мүчөсү Улкан Маматсабирова ал бюллетендерди туугандарынын телефондук өтүнүчтөрү боюнча салгандыгын айтты. Алдын ала маалыматтар боюнча саат бешке карата облустагы референдумга катышууга тийиш болгон жарандардын 66,63 пайызы добуш берди. Облустук референдум өткөрүү комиссиясынын мындай маалыматына көз каранды эмес байкоочулар ишенкиребей жатышат. (YA)
