Кечээ БШКда 21-октябрда өткөрүлгөн жалпы элдик добуш берүүнүн жыйынтыгын аныктоо боюнча отурум өттү. Анда БШКнын мүчөлөрү Жогорку Кеңештин депутаттарынын ыйгарым укуктарын токтотуу боюнча токтом кабыл алышты. Бүгүн бул токтом “Эркин тоо” гезитинде жарыяланат. БШКнын референдумдун жыйынтыгы боюнча расмий билдирүүсүнөн кийин, президент Курманбек Бакиев парламенттик шайлоо 16-декабрга белгиленин жарыялады. Бул жолку шайлоо жаңы кабыл алынган Шайлоо Кодекси боюнча биринчи жолу бүтүндөй парламентке партиялык тизме менен жүрөт. (ZMa)
8:44 БШК Жогорку Кеңеш депутаттарынын ыйгарым укуктарын токтотуу боюнча токтом кабыл алды
