Лиссабондо өткөн Орусия – Евробиримдик саммитинде соода жана энергетика боюнча кеп олуттуу талкууга алынган. Еврокомиссия жаңы концепция сунуш кылган. Анын арибине ылайык, энергия кубатын берүүчү кара май менен газ отунун өндүрүүчү компания үчүн бир эле учурда аларды сатышка тыюу салынат экен. Бул эки жумушту тең жалгыз аткарып келаткан мамлекеттик «Газпром» компаниясы үчүн мындай сунуш башка чапкандай маселе болгон дешет.
«Новые Известия» жазганга караганда Маскөөнүн көзүн кызарткан маселе соода боюнча Евробиримдик менен кызматташуу келишимин узартуу да болуптур. Эмне дегенде, мурдагы, 1994-жылы жетишилген келишим күчү 1-декабрда бүтөт экен.
Орусиянын илимдер академиясынын германиялык изилдөө борборунун жетекчиси Владислав Беловдун пикирине караганда, бул жолку саммит жаңы жетишкендиктерди жаратпайт. Ошол эле учурда «таң каларлык» жыйынтык берет:
- Анын жыйырманчы жолу өткөрүлүп атышынан эмес, Путин самаган өнөктөштүк жана кызматташтык боюнча келишимдин мөөнөтүн автоматтык түрдө узартып берет.
«Известия» болсо Орусия – Евробиримдик саммити кийинки жылы өтөт жана ошондо Маскөө менен Европа Биримдиги алакасынын кандай жолго түшө тургандыгы толук такталбаса да «божомолдонот» дейт.
Ал эми саясатчы Алексей Мухиндин болжолунда: «Биз кийинки, 2008-жылы Орусия федерациясынын президенти кылып кимди шайлайбыз жана Владимир Путин кеткенде анын ордун ким басат, Европа ошону күтүп атат.»
Орусиялык лидер Путиндин оозундагы кепте батышка боор ачуу бар:
- Мен Европа менен мамиле ошончолук эле аянычтуу абалда деп ойлобойм. Пикирлер, төп келбеген маселелер бар. Кээде биз Еврокомиссиалык өнөктөштөр менен тартышканда, биздин оппоненттерге караганда биз көбүрөөк европалык кызыкчылыкты коргогондой сыяктанабыз.
«Новые Известия» жазганга караганда Маскөөнүн көзүн кызарткан маселе соода боюнча Евробиримдик менен кызматташуу келишимин узартуу да болуптур. Эмне дегенде, мурдагы, 1994-жылы жетишилген келишим күчү 1-декабрда бүтөт экен.
Орусиянын илимдер академиясынын германиялык изилдөө борборунун жетекчиси Владислав Беловдун пикирине караганда, бул жолку саммит жаңы жетишкендиктерди жаратпайт. Ошол эле учурда «таң каларлык» жыйынтык берет:
- Анын жыйырманчы жолу өткөрүлүп атышынан эмес, Путин самаган өнөктөштүк жана кызматташтык боюнча келишимдин мөөнөтүн автоматтык түрдө узартып берет.
«Известия» болсо Орусия – Евробиримдик саммити кийинки жылы өтөт жана ошондо Маскөө менен Европа Биримдиги алакасынын кандай жолго түшө тургандыгы толук такталбаса да «божомолдонот» дейт.
Ал эми саясатчы Алексей Мухиндин болжолунда: «Биз кийинки, 2008-жылы Орусия федерациясынын президенти кылып кимди шайлайбыз жана Владимир Путин кеткенде анын ордун ким басат, Европа ошону күтүп атат.»
Орусиялык лидер Путиндин оозундагы кепте батышка боор ачуу бар:
- Мен Европа менен мамиле ошончолук эле аянычтуу абалда деп ойлобойм. Пикирлер, төп келбеген маселелер бар. Кээде биз Еврокомиссиалык өнөктөштөр менен тартышканда, биздин оппоненттерге караганда биз көбүрөөк европалык кызыкчылыкты коргогондой сыяктанабыз.
