Анда Борбордук шайлоо комиссиясы таянып иш алып барып жаткан учурдагы Шайлоо кодекс менен референдумдун алдында элге тааныштырылып, талкууланган Шайлоо кодексинин ортосунда айырма бар. Атап айтканда, 0,5% дык босого тууралуу 77-берененин 2-бөлүгү референдумдан кийин гана Президент Бакиевдин жарлыгы менен кодекске кирип калган. Ошондон улам азыр жарым пайыздык босого тууралуу талаш-тартыш күчөдү. Атамекенчилер бул беренени чечмелеп берүүнү Бакиевден суранышты. Ушундай эле кайрылуу менен бүгүн “Демократия жана жарандык коом үчүн” Коалициясы К. Бакиевге кайрылды. (MSu)