Бүгүн белгилүү болгондой эки күнгө созулган сүйлөшүүнүн жыйынтыгында Украина Кыргызстанга болгон 27,3 миллион АКШ доллары өлчөмүндөгү карызын «жардам иретинде» деген шарт менен жойду. Сүйлөшүү кечээ кечинде аяктап, анын соңунан Кыргызстандын Улуттук банкына жогорудагы өлчөмдөгү сумма накталай которулду. Бул тууралуу Экономиканы өнүктүрүү жана соода министрлигинин статс-катчысы Азиз Алиев «Азаттыкка» билдирди. «СССРден калган карыз деп айтып жүрдүк эле, бирок бул да талаштуу маселе болчу. Жыйынтыкта бизге Украина ошол сумманы жардам иретинде берди. Биз алардын "карыз болгон эмес" деген шартына макулдук бердик»,- деди А.Аалиев. (JTo)
