Мамлекеттик катчы мындай пикирин кечээ Борбор Азия жаштарынын эл аралык жыйынында билдирди. Ал бул сөзүн ушул тапта элүүдөн ашык жогорку окуу жайда эки жүз миңдей студент, дагы үч миңдей студент чет жерде билим алып жаткандыгы менен ырастады. А. Мадумаров азыр бийлик органдарында, жергиликтүү башкарууда, өнөр жай ишканаларда жаш кадрлар жетишпей жатканы көп учурай баштаганын белгилеп, миграциялык агымга жаштар көп тартылып жатканын, 2006-жылда эле Кыргызстандан сыртка кеткен атуулдардын 48 пайызы 14-34 жаштагылар экенин айтты. (EBM)
