17-ноябрда Максат Абакировду Бишкекке кармап кеткенден кийин тогуз баланы эмне себеп менен камакка алганын Балыкчы шаардык ички иштер бөлүмүнүн начальниги Бердигул Караев үч күн бою ата-энелерге ачыктабагандыгы аз келгенсип, журналисттерге да күч колдонду. КТРдин маалымат кызматынын кабарчысы Данияр Жаныкулов милиция видеокамераны тартып алууга аракет жасаганда кагылышкандан мээси чайкалып, дарыланып жатканын өзү ырастады. Маалымат кызматын басмырлоо ошондой эле «Азаттыкка» да болуп, аны начальник Караев өзү көрсөттү. Ошентип үч күн камалып жаткан тогуз бала 19-ноябрда бошотулду. (RB)
