«Кыргызгаз» ачык акционердик коомунун башкы директорунун орун басары Кубан Мырзакановдун «Азаттыкка» билдиргенине караганда кечээтен баштап газ мурдагы калыбында бериле баштады. Өрттүн чыгышына газ түтүктөрүнүн эскилиги себеп болгон. Өндүрүш ишине канча чыгым болгону туурасында азырынча белгисиз. Өрт 22- ноябрда башталып толук бир суткага созулган. Анын кесепетинен Канттагы цемент-шыйпыр комбинатына, Техналин цемент заводуна жана Токмоктогу «Интерглаз» айнек заводуна бөлүнгөн газдын өлчөмү азайтылган.(JJ)
