“Дем алыш күнү “Акжолдун” тизмесинде турган адамдар Покровкада жолугушуу өткөргөн учурда аларга ыңгайсыз суроо берип койгондугу үчүн Атабек Маданбековду милиция камакка алды. Ага эки ай мурун бирөө менен мушташкан деген айып менен соттон санкция алып, камап койду. Азыркы бийлик жарандардын оозун тыюуга аракет жасап жатат. Ар бир аким, губернаторлор өз билгенин жасап, мыйзамды кенебегенге өттү. Алар Бакиевге жагынабыз деп, тескерисинче өздөрүнүн терс жоруктары менен элди президентке каршы коюп атышат,” –деп билдирди Темир Сариев “Азаттыкка”.
