БШК Шайлоо Кодексинин 16-беренесине ылайык бардык саясий партияларга шайлоо алдында үгүт иштерин жүргүзүүнү камсыз кылууга УТРК милдеттүү экендигин эскертти. Ошондой эле ММК редакторлору шайлоо алдындагы үгүт иштеринин шарттарын бузса Шайлоо Кодексинин 53-беренесине ылайык административдик жоопкерчиликке тартыларын билдирди. 7-декабрда Ленин райондук соту УТРКны шайлоодо ат салышкан бардык партияларга улуттук сыналгыдан убакытты тең бөлүштүрүүнү милдеттендирген чечим чыгарган. Ага “Ата Мекен” партиясынын УТРКны үгүт иштерине мыйзам чектеген убакытты туура эмес бөлүштүрүп жатат деген доо арызы негиз болгон. (AJ)
