Бул тууралуу «Азаттыкка» БШКнын төрайымы Клара Кабилова жекшембиде билдирди. Анын айтымында, бюллетендер менен кошо шайлоо участкаларына бармакка белги коюучу каражаттар жеткирилип, добуш берүүгө даярдыктар толук көрүлдү. Участкалык шайлоо комиссияларынын мүчөлөрүн окутуу иштери аяктап, эми ГАС «Шайлоо» системасынын ишин камсыздоочу системдик-администраторлор үчүн окутуу-семинарлар өткөрүлөт, деп белгиледи Клара Кабилова. Белгилүү болгондой келерки жекшембиде кыргызстандыктар Жогорку Кеңешке партиялык тизме боюнча депутаттарды шайлайт.(AiT)
