Бишкек ИИБ маалыматына караганда, 13-декабрда борбордук Алатоо аянтында доктор Жеңишбек Назаралиевдин шайлоого бойкот жарыялаган кайрылуусун таркатып жүргөн эки кыз кармалган. Мындай өңүттөгү кайрылуунун миң даанасын Ош базарында таратып жүргөн П.М. аттуу аял тартип коргоо кызматы тарабынан кармалганын, мындай кайрылуулар баш калаанын башка жерлеринен да алынганын билдиришти. Назаралиевдин медициналык борборунун басма сөз кызматы учурда Жеңишбек Назаралиев Кыргызстандын аймагында жок экенин, андан кандайдыр бир барактарды таркатуу көрсөтмөсү болбогонун кабарлашты. (AJ)
