18-декабрда Баткен району менен Тажикстандын Исафара району чектешкен жерде орун алган Капчыгай чегара бөлүгүнүн жаңы имараты колдонууга берилди. Ал имаратты курууга АКШнын элчилиги каражаттан каралашкан. Буга арналган салтанатка Кыргызстандын Чегара кызматынын штаб башчысы Абдижалил Жамалов жана жергиликтүү жетекчилер катышты. Абдижалил Жамаловдун билдиргенине караганда АКШнын Кыргызстандагы элчилигинин колдоосу 2004-2010-жылдардагы мамлекеттик атайын программанын негизинде эл аралык терроризмге каршы күрөшүү программасынын алкагында жүргүзүлүүдө.