Линктер

бейшемби, 8-декабрь, 2016 Бишкек убактысы 06:12

Курман айт намазы Бишкектин эски өкмөттүк аянтында өттү. Майрамдык намазга келгендерди Кыргызстан мусулмандарынын муфтийи Муратаалы ажы Жуманов баштаган бир топ диний жана бийлик өкүлдөрү куттуктап сөз сүйлөштү. Алардын арасында вице-премьер-министр Нур уулу Досбол, Бишкек шаарынын мэри Данияр Үсөнов, Түркиянын Кыргызстандагы элчилигинин расмий өкүлү Шамсуддин Үнал болушту. Муратаалы ажы Жуманов өзүнүн куттуктоо сөзүндө “Кыргызстан дин эркиндиги боюнча Борбор Азияда алдыңкы орунда турат” деп баса белгиледи. Баш калаада окулган Курман айт намазына, Бишкек казыятынын маалыматына ылайык, 100 миңдей адам келди.










Кыргызстан мусулмандарынын муфтийи Муратаалы ажы Жуманов “Азаттык” аркылуу мусулмандарды Курман айт майрамы менен куттуктады.

- Урматтуу мусулмандар. Биринчиден барыңыздарды бүгүнкү Курман айт майрамы менен куттуктайм. Кудай таала ишиңиздерге ийгилик, жакшылык берсин. Мына бир сааттан кийин айт намазды окууга аракет кылып атабыз. Аллах таала бардык кыргыз элине Курман айттын урматына жакшылык, тынчтык берсин.

- Айт намаздан кийин бул күнгө карата кандай иш чаралар өтөт?

- Курмандык жандык союп, курмандык чалыш керек. Бул ар бир адамдын милдети, айрыкча колунда бар бай деп эсептелген инсандарга бул милдеттүү түрдө болот.

- Рахмат майрамыңыздар менен.
XS
SM
MD
LG