“Ыңгайсыз суроолордун” бүгүн тартылган кезектеги көрсөтүүсүнө коммунисттер партиясынын лидери Исхак Масалиев менен БШКнын мүчөсү Акылбек Сариев катышты. Талкууланган маселе шайлоонун талаш-тартыш туудуруп жаткан жыйынтыктары жөнүндө болду. Көрсөтүүгө алдын ала чакырылган мурдагы мамлекеттик катчы Адахан Мадумаровдун келбей калгандыгына жана башка себептерге байланыштуу “Ыңгайсыз суроолор” кечээ өзүнүн убактысында обого чыкпай калган. Ошондуктан, “Азаттык” УТРК жетекчилиги менен биргелешип, “Ыңгайсыз суроолорду” бүгүн эфирге чыгарып жатат. (KCh)
