Бүгүн саат 10дон 45 мүнөт өткөндө Ош аймагында жер титирөө катталды. Анын очогу түштүк борбордон 25 чакырым түштүк-чыгыш тарабында, Карасуу районунун Папан жана Лангар айылдарында болуп, күчү беш жарым баллга чейин жеткен. Бул тууралуу «Азаттыкка» чукул кырдаалдар министрлигинин түштүк аймагы боюнча башкармалыгынын жетекчиси Дамир Кушбаков билдирди. Анын айтымында, кыйроолор жана жапа чегүүлөр боюнча азырынча маалымат жок. (SM)
