Чукул кырдаалдар министрлигинин түштүк башкармалыгынан алынган маалымат боюнча Ноокат районунун Көкбел, Кеңеш, Исанов айыл өкмөттөрүндө ондогон үйлөрдөн жарака кетип, бир нечеси авариялык абалга кептелген. Токтогул атындагы 300 орундуу мектеп жараксыз болуп калган. Ошондой эле Карасуу районунун Тогузбулак, Карасөгөт айылдарында бир нече үйлөр, орто мектеп менен айылдык оорукана авариялык абалда. Зилзаладан жабыркаган турак-жайлар райондун Каратай, Папан, Актерек, Алчалуу айылдарында, Кашкаркыштак, Нариман айыл өкмөттөрүндө да катталган. Жалпысынан Ноокат жана Карасуу райондорунда төрт үй кулаган. Адамдардан жапа чеккендер жок. Жашоого жараксыз болуп калган турак-жайлардын тургундары чатырларга, тууган-уруктарынын үйлөрүнө көчүп, баш калкалашууда. (ZKo)
