Жергиликтүү мамлекеттик администрациялар үйлөрү жараксыз болуп калгандарды жайгаштыруу аракеттерин көрүүдө. Табигый кырсыкка учураган аймактарга 240 палатка жеткирилип, айрым ишкерлер жабыркагандарга азык-түлүк менен жардам берип жатышат деп кабарлайт өзгөчө кырдаалдар министрлиги. Министр Камчыбек Ташиев бүгүн эл аралык уюмдардан да 1-январда болуп өткөн жер титирөөдөн жабыркагандарга жылуу кийим, азык-түлүк жана чатырлар менен жардам көрсөтүүнү суранды. Ош облусунун Ноокат жана Карасуу райондорундагы зилзаладан жети мектеп, бир оорукана жана төрт жүзгө жакын үй жараксыз болуп калган. (JTo)