Түндө Жогорку Кеңештин имаратынын жанынан өтүп бара жаткан Жоомарт Сапарбаев, Айчүрөк Маматкадырова, Арслан Шаршеналиев жана Уулжан Ногойбаеваларды күзөт кызматы кармап алып, Биринчи май райондук ИИБге жеткизген. Жаштардын колундагы 400гө жакын “Мен ишенбейм!” баракчалары алынып, бул боюнча протокол түзүлгөн. Мындан соң алар кое берилип, бирок бүгүн кайрадан ИИБге келүүсү талап кылынды. Бул тууралуу “Эркин муун” жаштар альянсынын теңтөрагасы Мирсулжан Намазалиев маалымдады. Аталган жаштар “Мен ишенбейм!” баракчаларын шаар боюнча 30-декабрдан бери чаптап жүрүшкөнүн айтышууда. (JTo)
