«Акыйкат үчүн!» кыймылы координациялык кеңеш түзүп, аны Абдыганы Эркебаев, Темир Сариев жана Аликбек Жекшенкулов жетектемей болду. Мындай чечим бүгүн өткөн форумда кабыл алынды. Форум Координациялык кеңешке ошондой эле коомдук парламент түзүү, курултай чакыруу, кыймылдын программасын, жобосун иштеп чыгууну тапшырды. Форумда жыл этегинде өткөн референдумдун жана кезексиз парламенттик шайлоо талкууланып, бул саясий жараяндар мыйзамсыз деп таанылды. Буга байланыштуу форум билдирүү кабыл алды. Парламенттик шайлоодон кийин түзүлгөн «Акыйкат үчүн!» кыймылынын курамында оппозициялык жана чордончул партиялар, жарандык коомдор бар. (BuS)
