Мындай билдирүүнү бүгүн Кыргызстандагы Германиянын элчиси Клаус Гревлих, Парламенттин төрагасы Адахан Мадумаров менен Еврошаркеттин атайын өкүлү Пьер Морель менен сүйлөшүүлөрү тууралуу өткөргөн маалымат жыйынында билдирди. Ошондой эле Германия элчиси буга чейин Жогорку Кеңештин басма сөз кызматы тараткан маалыматты төгүндөп четке какты. Анда, 14 - январь күнү Борбор Азиядагы Европа Биримдигинин өкүлү Кыргызстанда парламенттик шайлоо демократиянын нугунда жана ачык өттү деп билдирди деп айтылган. Ал эми К. Гревлих мырза Пьер Морель буга абдан нааразы болгонун ачыктап, бирок буга карабастан кырдаал оңунан чыгат деген үмүттө экенин айты. (ESu)
