Облустук бийликтин алдында зилзаладан жабыр тарткан Ош облусунун тургундары үчүн жардам көрсөтүү боюнча облустук штаб түзүлдү. Ал штабдын жетекчилигине губернатордун биринчи орунбасары Жаныш Курбанов дайындалды. Штаб облустагы мамлекеттик жана жеке менчик мекеме ишкана жамааттарынын бир күндүк эмгек акысын жер титирөөдөн жабыркагандарга которууну уюштуруу милдетин мойнуна алды. Буга дейре облустун борбордук беш району 100 тонна көмүрдү Ош шаарындагы жабырлануучуларга жеткирип келген. “Ак жол” партиясынын облустагы бөлүмү менен казыят жана мечит, медреселердин жаматтары акчалай жардамдарын тапшырып кайтышкан. (YA)
18:12 Ош облусундагы жер титирөөдөн жапа чеккендер үчүн Жалалабат облусунда атайын эсеп ачылды
