Былтыр көзү өткөн өзбекстандык белгилүү режиссерго багытталган мындай иш-чаралар Бишкектеги театрларда 25нен 30-январга чейин уланмакчы. Мунун алкагында “Место D” театр клубунда Марк Вайлдын шакирттеринин эки спектакли сунушталат. 29-январда Бишкек шаардык драма театрында атайын кече өтөт. Бул иш-чаралар ушул эле театрда маркум режиссердун чыгармачылыгы жана ал негиздеген "Илхом" театры, анын Борбор Азия аймагындагы театр өнөрүнө тийгизген таасири боюнча чыгармачыл студенттердин талкуусу менен аяктамакчы. (EBM)