Бул долбоорду Германиянын техникалык кызматташуу боюнча агенттиги каржыламакчы. “CAMP Alatoo” коомдук корунун координатору Эрмек Байбагышов “Азаттыкка” курган маегинде азыр мал саны көбөйгөнү менен тургундар ортоңку жана алыскы жайыттарга эмес, айылга жакын жайыттарга чыгып, натыйжада мал туягына эзилген жерлерде кыян, сел, жер көчкү сыяктуу табыгый кырсыктардын болушуна шарт түзүлүл жатканын, ушундан улам жайыттарды башкаруу жана туура пайдалануу өтө зарыл болуп турганын айтты. ” Жайыттар тууралуу” мыйзам кабыл алынып, ортоңку жайыттар райондук же айыл өкмөттүк деңгээлде башкарылаары аныкталса бул жааттагы кырдаал азыраак жакшыраарын белгиледи. (EBM)
